Maraming email provider ang hindi nag-e-encrypt ng mga mensahe habang ipinapadala ang mga ito. Kapag nagpadala o nakatanggap ka ng mga email gamit ang isa sa mga provider na ito, puwedeng madali itong mabasa ng mga nakikialam. Dumarami ang bilang ng mga email provider na nagsisikap na baguhin iyon sa pamamagitan ng pag-encrypt ng mga mensaheng ipinapadala mula at patungo sa mga serbisyo nila gamit ang Transport Layer Security (TLS). Sa pangkalahatan, ang paggamit ng pag-encrypt habang nagpapadala ay patuloy na lumalaganap habang tumatagal, habang mas maraming provider ang nagbibigay at nagpapanatili ng kanilang suporta. Puwedeng maipaliwanag ng mga salik gaya ng iba-ibang mga dami ng email ang iba pang pagbabago sa mga istatistika ng pag-encrypt na ito.

Nasa ibaba ang porsyento ng mga naka-encrypt na email para sa mga nangungunang domain ayon sa dami ng email papunta at galing sa Gmail, ayon sa alpabetikong pagkakasunud-sunod.

Kung magpapadala ka ng sulat sa iyong kaibigan, umaasa kang siya lang ang taong makakabasa nito. Pero maraming puwedeng mangyari sa sulat na iyon habang papunta ito sa kanya, at posibleng may mga gustong makialam at sumubok na basahin ito. Ito ang dahilan kung bakit nagpapadala tayo ng mahahalagang mensahe sa mga selyadong sobre sa halip na sa likod ng mga postcard. Katulad nito ang pagpapadala at pagtanggap ng email. Pero kapag nagpapadala o nakakatanggap ka ng mga mensahe gamit ang email provider na hindi nagpapadala ng mga mensahe sa pamamagitan ng ligtas na koneksyon, puwedeng maging madaling makita ang mga email mo para sa mga makikialam.